Longd varðhaldsfongsling: Ákærdur fyri neyðtøkuroynd

27 ára gamli maðurin, sum er varðhaldsfongslaður fyri neyðtøkuroynd sunnunáttina 8. september, skal nú sita í varðhaldi til 27. november.

Varðhaldsfongsilgin var í fyrsta umfarið til 3. oktober og varð síðani longt til 1. november. Nú er varðhaldsfongslingin aftur longd, hesaferð slakar fýra vikur, til 27. november.

Tað veit Kringvarpið í dag.

Maðurin skal mentalkannast, og staðfestast skal, um hann er egnaður at fáa vanliga revsing.