Loysa fyrsta flagið til nýggja Sjóvinnustýrið týsdagin

Landsverk: Týsdagin 30. november kl.11:30 verður fyrsta flagið loyst fyri nýggja bygninginum hjá Sjóvinnustýrinum.

Tað verður Magnus Rasmussen, landsstýrismaður í Vinnu- og umhvørvismálum, sum fer at loysa fyrsta flagið.

Nýggja Sjóvinnustýrið varð boðin út í heildararbeiðistøku. Bygningsánari er Umhvørvis- Vinnumálaráðið, byggiharri er Landverk, og Búsetur er høvuðsarbeiðistakari. Zeta arkitektar hava teknað og sniðgivið bygningin.

Nýggi kontórbygningurin fer væntandi at standa liðugur á várið 2023.