Lukasjenko: Kjarnorkuvápn til øll

Aleksandr Lukasjenko, forseti í Hvítarusslandi, bjóðar londum, sum fara uppí part við Hvítarussland og Russland, kjarnorkuvápn.

– Har verða kjarnorkuvápn til øll, sigur hann í samrøðu við russiskt sjónvarp, sum tíðindastovan Reuters endurgevur.

Tað var í mars, at Russland og Hvítarussland, sum hava eitt tætt samstarv, samdust um, at Russland kundi seta taktiskt kjarnorkuvápn á hvítarussiska jørð, og í farnu viku skrivaðu partarnir undir avtaluna.

Í 1992, árið eftir at Sovjetsamveldið fall, samdust Russland, Ukraina, Hvítarussland og Kasakstan um, at øll kjarnorkuvápnini hjá fyrrverandi Sovjetsamveldinum skuldu vera í Russlandi, og kjarnorkuvápn hava ikki verið á hvítarussiskari jørð síðan 1996.

Taktisk kjarnorkuvápn hava ongantíð verið brúkt í kríggi, og í mars søgdu fleiri serfrøðingar, og tað var væntað, at ein slík avtala fór at verða gjørd, men ongar ábendingar vóru um, at russiski forsetin, Vladimir Putin, fór at brúka kjarnorkuvápnini.