Luke Perry frá “Beverly Hills 90210” deyður

Luke Perry, sum spældi við í amerikonsku sendirøðini “Beverly Hills 90210” er deyður, 52 ára gamal.

Tað skrivar Reuters tíðindastovan.

Umboðsmaðurin hjá sjónleikaranum upplýsir, at Luke Perry doyði í morgun eftir eina heilabløðing í síðstu viku. Hann hevur síðani tá verið á sjúkrahúsi, og var umgirdur av familju og vinum, nú hann andaðist.

Luke Perry gjørdist heimskendur fyri sín leiklut í Beverly Hills 90210, har hann spældi Dylan McKay. Seinnu árini hevur hann spælt við í “Riverdale” á Netflix.