Lungnafelag stovnað í komandi viku

Týskvøldið 17. november klokkan 19 verður stovnandi aðalfundur í MEGD-húsinum í Havn.

Hetta verður í sambandi við, at nýtt felag verður stovnað fyri fólk, sum hava lungnasjúkur og avvarðandi teirra.

– Vit vóna, at so mong sum gjørligt vilja koma til fundin, so vit fáa eitt gott grundarlag fyri at seta eitt lungnafelag á stovn, sum kann arbeiða fyri at bøta um korini hjá teimum, sum hava lungnasjúkur, skriva stigtakarar í tíðindaskrivi.