Macron fimm ár afturat sum forseti

Fraklendingar hava verið á vali í dag, har teir skuldu velja sín forseta fyri næstu fimm árini.

Hóast allar atkvøðurnar ikki eru taldar upp enn, er Emmanuel Macron kosin sum vinnari av valinum. Tað skriva altjóða miðlar í kvøld.

Tað er fyrstu ferð í fleiri enn tjúgu ár, at ein sitandi franskur forseti verður afturvaldur.

Macron fær sambært fronskum miðlum 58,2 prosent av atkvøðunum. 41,8 prosent hava sambært úrslitinum higartil atkvøtt upp á Marine Le Pen.

48 milliónir hava valrætt í Fraklandi.