Maður datt av altan í nátt

Í nátt datt ein maður av altanini hjá einum skeinkistaði í høvuðsstaðnum.

Vakthavandi á politistøðini sigur, at talan var um eitt óhapp á Jomfrúbakkanum í Vágsbotni, har maðurin hevði lenað seg ov langt útav og endaði við at detta eina hædd niður.

Maðurin er síðani vorðin innlagdur á Landssjúkrahúsinum, men um hann fekk nakran álvarsligan skaða veit løgreglan ikki at siga.