Maður skuldsettur fyri innbrot á Listasavnið

Í gjár eftirlýsti løgreglan ein mann, sum breyt inn á Listasavn Føroya fríggjanáttina, og um kvøldið boðaði løgreglan frá, at maðurin var funnin.

Løgreglan sigur við Kringvarpið, at maðurin sjálvur møtti upp á løgreglustøðini í gjárkvøldið. Hann hevur játtað seg sekan, er blivin avhoyrdur og síðani leyslatin aftur.

Talan er um ein føroyskan mann í 20unum, og løgreglan hevur ongan illgruna um, at onnur vóru uppíblandað.