Í gjáramorgunin byrjaðu samráðingar millum Reiðarafelagið fyri Handilsskip og manningarfeløgini um nýggjar sáttmálar, sum skulu gerast fyri handilsskip, frálandalandavinnuskip (" stór og smá") og ferðamannaskip.
Manningarfeløgini eru Føroya Skipara-& Navigatørfelag, Maskinmeistarafelagið og Føroya Fiskimannafelag. Tað seinast nevvda fer at samráðast fyri seg sjálvt, av tí at Føroya Fiskimannafelag ikki hevur felagskrøv, eins og Føroya Skipara-& Navigatørfelag og Maskinmeistarafelagið, sum samráðast saman, hava. Fyri tveimum árum síðani samráddust øll manningarfeløgini saman.
Í gjár snúði tað seg um, at gjøgnumganga ynskini hjá hvørjum øðrum og at áseta komandi fundir. Fýra samráðingarfundir vórðu ásettir, skrivar Skipara-& Navigatørfelagið á heimasíðu sínari, og sambært Masinmeistarafelagnum verða samráðingarnar tiknar upp aftur mánadagin.
Verandi sáttmálar millum partarnar ganga út 1. mars.
Innanlands
Manningarfeløgini og RHF farin undir samráðingarnar
Nýggir sáttmálar skulu gerast fyri millum annað handilsskip. Verandi sáttmálar fara úr gildi 1. mars. Føroya Fiskimannafelag fer at samráðast fyri seg
Fýra samráðingarfundir vórðu ásettir - tann fyrsti verður mánadagin (Mynd: fsn.fo/Maskinmeistarafelagið)
2021-02-10 15:56
Vinarliga broyt tínar kennifíla - og privatlívsstillingar fyri at síggja hetta innihald