placeholder
Uttanlands

Margretha drotning aftur fingið staðfest koronu

Hetta er aðru ferð, at danska drotningin fær staðfest smittuna – Mánadagin fylgdi hon saman við 2.000 øðrum bretsku Elizabeth drotning til gravar

Margretha drotning fekk staðfest koronu týskvøldið, dagin eftir hon fylgdi bretsku Elizabeth drotning til gravar (Mynd: EPA)

Margretha drotning fekk staðfest koronu týskvøldið, dagin eftir hon fylgdi bretsku Elizabeth drotning til gravar (Mynd: EPA)

2022-09-21 14:38 Author image
Alda Nielsdóttir
placeholder

Margretha drotning hevur nú fingið staðfest koronu fyri aðru ferð, upplýsir kongshúsið sambært donskum miðlum.

Upplýst verður, at hon varð staðfest positiv í gjárkvøldið og er hon nú stødd á Fredensborg slottinum.

Upplýst verður ikki, hvussu støðan hjá drotningini er, men boðað hevur áður verið frá, at hon er koppsett fyri koronu. Fyrstu ferð hon fekk staðfest koronu var í februar.

Nú drotningin er staðfest smittað við koronu, verða allar ætlanir hennara fyri vikuna, avlýstar.

Mánadagin fylgdi Margretha drotning bretsku drotningini, Elizabeth II til gravar. Har savnaðust heimsleiðarar og kongalig úr øllum heiminum, umframt familjan hjá bretsku drotningini í London.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder