Margreta drotning innløgd eftir eitt dánilsi

Margreta drotning er í dag innløgd á Ríkissjúkrahúsið í Keypmannahavn eftir eitt dánilsi.

Hetta upplýsir kongshúsið í tíðindaskrivi.

Tað er staðfest nýtt blóðkýli við mjødnina umframt veik dehydrering, og hon verður viðgjørd fyri hetta, stendur í skrivinum.

85 ára gamla Margreta drotning hevur tað gott eftir umstøðunum, og er við gott mót.

Hon verður væntandi innløgd hesa næstu vikuna til viðgerð og eygleiðingar.

Hetta merkir harvið, at hon ikki verður við til jarðarferðina hjá norska Harald kongi, sum verður í Oslo mikudagin