Maria Winther Dalsgaard nýggj forkvinna í Læknafelag Føroya

Læknafelag Føroya hevur fingið nýggja nevnd eftir aðalfundin hjá felagnum 7. november.

Á skránni á fundinum var val av forfólki, tí Ragnar Djurhuus Hammer, fór frá sum formaður.

Maria Winther Dalsgaard úr Yngri Læknar Føroyar stillaði upp til forkvinnu og varð vald. Á aðalfundinum var eisini hátíðarhildið, at Læknafelag Føroya fyllir 120 ár í ár.

Læknafelag Føroya er móðurfelagið fyri tær tríggjar súlurnar hjá læknum í Føroyum, sum eru Yngri Læknar Føroyar, Kommunulæknafelag Føroya og Serlæknafelag Føroya. Hesi trý feløgini skiftast um at skjóta upp forkvinnu ella formann.

Í nevndini fyri Læknafelag Føroya sita tvey av forfólkunum frá hvørjari súlu umframt forkvinnan.

Nýggja nevndin í Læknafelag Føroya er mannað soleiðis:

• Maria Winther Dalsgaard, forkvinna (frá Yngri Læknar Føroyar)
• Rói á Kósini, næstformaður (frá Kommunulæknafelag Føroya)
• Katrin Dahl Hanusson, kassameistari (frá Yngri Læknar Føroyar)
• Valborg Heinesen, nevndarlimur (frá Serlæknafelag Føroya)
• Marita Reginsdóttir av Steinum, nevndarlimur (frá Serlæknafelag Føroya)
• Eyðbjørg Klemmentsen Gaard, nevndarlimur (frá Yngri Læknar Føroyar)
• Turið Holm Johannesen, nevndarlimur (frá Kommunulæknafelag Føroya)