Marna er givin at vaska í Vágs skúla

Marna Bjarkhamar er farin frá vegna aldur eftir at hava starvast sum reingerðarfólk í Vágs skúla í samfull 40 ár, og herfyri hevði Vágs kommuna eina hugnaliga fráfaringarløtu fyri Marnu.

Tað skrivar heimasíðan hjá Vágs kommunu.

Bjarni Johansen, borgarstjóri, handaði henni blómur og gávubræv, og takkaði Bjarni eisini Marnu fyri hennara trúgvu tænastu, og helt fyri at hetta mátti hava verið eitt sera gott arbeiðspláss, tá man hevur nátt 40 ára starvsaldur.