Marsbilur verður sendur avstað í morgin

Í morgin verður ein spennandi rakettuppskjóting í Cape Canaveral í USA. Endamálið er at flyta eitt koyrandi akfar – ein rovara – upp til gongustjørnuna mars.

Fyri havnarmannin David Arge Klevang Pedersen, sum arbeiðir sum verkfrøðingur á serligu rúmdardeildini hjá Danmarks Tekniske Universitet, DTU Space, er hetta ein spennandi hending, tí hann eigur sín serligan lut í hesum amerikanska marsfarinum, sum hevur fingið navnið Perserverance, ið merkir ágrýtni ella treystleiki.

333

David Klevang Arge Klevang Pedersen hevur verið við til at menna navigasjónsútgerðina á Perseverance.

Rakettin Atlas V-541 við marsfarinum umborð verður send upp klokkan 07.50 lokala tíð í morgin, tað er 11.50 okkara tíð. Eftir ætlan kemur Perseverance fram til mars 18. februar 2021. Lendingarstaðið er ein goskoppur á mars, kallað Jezero Crater. Her skal farið kanna og savna tilfar og serliga leita eftir, um møguliga okkurt slag av lívi hevur verið á mars.

Sum skilst skal farið arbeiða á mars í eitt mars-ár, tað eru 687 jarðarsamdøgur.

Sí meira á serligu heimasíðuni hjá Nasa