Maskinmeistarafelagið stuðlar sjúkrarøktarfrøðingunum í verkfallinum

Maskinmeistarafelagið stuðlar Felagnum Føroyskir Sjúkrarøktarfrøðingar í verkfallinum.

Hesum boðar nevndin í Maskinmeistarafelagnum frá í dag. Nevndin sigur soleiðis í fráboðan, sum er sent miðlunum:

Við hesum vil Maskinmeistarafelagið lýsa Felagnum Føroyskir Sjúkrarøktarfrøðingar sín fulla stuðul í verkfallinum.

Samstundis heita vit á limir okkara í Maskinmeistarafelagnum um ikki at taka upp verkfalsrakt arbeiði. 

Eisini vilja vit heita á sáttmálapartarnar um at taka samráðingarnar uppaftur, og fáa eina virðiliga semju í lag.