Matolja verður gjørd til biodiesel

Kommunala Brennistøðin hevur ment seg nógv innan endurvinningarøkið seinastu árini. Eitt gott dømi er, at matolja – frituruolja – sum fyrr fór í køstin og varð brend, nú verður endurvunnin.

Tað eru matstovur, hotel og nógv av teimum, ið selja friturusteiktar vørur, sum lata brúktu oljuna inn.

Í fjør vórðu 12 tons av hesi olju send av landinum og endurvunnin til reint biodiesel.

– Tórshavnar kommuna