Máttu leypa av betongbili

Løgreglan fekk seinnapartin í gjár fráboðan um eitt lítið arbeiðsóhapp í Svanga í Havn.

Av tí at okkurt var galið við einum betongbili, sum var við betongi í økinum, vóru tveir menn frá skipasmiðjuni Mest boðsendir. Meðan teir stóðu uppi á betongbilinum fór ein ventilur. Hetta gjørdi, at teir báðir máttu leypa av bilinum.

Løgreglan sigur, at annar maðurin fekk brot á beinið. Teir vóru umleið tríggjar metrar uppi.

Arbeiðseftirlitið varð boðsent, og frágreiðing verður skrivað.