Beint áðrenn klokkan 13 í gjár fekk løgreglan fráboðan um eina vandastøðu við annan tunnilsmunnan í Leynatunlinum.
Bummurin sum hongur úr loftinum við tunnilsmunnan var loysnaður, og hekk lodrættur. Helst hevur onkur lastbilur ella líknandi tikið í bummin.
Løgreglan sendi tveir bilar á staðið beinanvegin og stongdi tunnilin. Landsverk gjørdi eisini skjótt av, og kom við røttu amboðunum at fáa bummin upp aftur.
Longu klokkan 13:17 koyrdi ferðslan í Leynatunlinum aftur sum vant.
Vinarliga broyt tínar kennifíla - og privatlívsstillingar fyri at síggja hetta innihald