Andras S. Jacobsen skal reka Maverick

Sáttmáli varð undirskrivaður í dag, sum merkir, at Andras S. Jacobsen fer at reka barrina Maverick í Klaksvík framyvir.

Tað skrivar Norðlýsið í dag.

Símun á Høvdanum, sum eigur barrina, fer uttanlands í næstum og tí skal onkur annar reka barrina, sum liggur beint við síðurnarav vøllinum við Djúpumýrar.

- Vit ætla at koyra víðari og menna tænasturnar sum heild, sigur Andras S. Jacobsen við nordlysid.fo.

Tað gongur ein tíð áðrenn Andras S. Jacobsen yvirtekur virksemið.

Rætting 7. mars 18.58: Áður stóð at Maverick fekk nýggjan eigara. Hetta er ikki rætt. Andras S. Jacobsen fer at reka barrina framyvir