Mentan

Dansk Melodi Grand Prix verður uttan áskoðarar

Hetta hevur DR tikið avgerð um, eftir at myndugleikarnir í gjár mældu til at avlýsa ella útseta tiltøk við fleiri enn 1000 luttakarum

Leonora, sum í fjør vann við sanginum

Leonora, sum í fjør vann við sanginum "Love is Forever" (Mynd: DR)

2020-03-07 16:55 Author image
Alda Nielsdóttir
placeholder

Tá Dansk Melodi Grand Prix 2020 fer av bakkastokki í kvøld, verður tað eitt sindur øðrvísi enn undanfarin ár. Tað verður nevniliga heilt uttan áskoðarar.

Eftir at myndugleikarnir í gjár heittu á fólk um at avlýsa ella útseta tiltøk við fleiri enn 1000 luttakarum orsakað av coronavirusinum, hevur Danmarks Radio tikið avgerð um at hava tiltakið uttan áskoðarar.

Tá DR í kvøld sendir beinleiðis frá tiltakinum, sum verður í Royal Arena í Keypmannahavn, verður sostatt eingin áskoðari at síggja í rúminum.

Allir sangirnir, sum verða at hoyra í kvøld, kunnu eisini finnast her.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder