Merktu grindirnar hava slakkað av

Merkta grindin úr Bø hevur, eftir at hon vendi á Reykjanesrygginum, ferðast eystur yvir, fram við hellingini av íslendska landgrunninum, og er nú 40 fjórðingar suður úr Vestmannaoyggjum, skrivar Havstovan á heimasíðuna.

Grindin úr Havn hevur verið á Ytsta Banka, men er síðani farin suður av bankanum og tykist at ferðast spakuliga eystur yvir.

Mynd: Havstovan

Grindirnar hava ikki ferðast so skjótt seinastu dagarnar, um ein fjórðing um tíman, ið er nokk so vanligt, tá tær eru komnar á djúpt vatn.