Mest dámda dagføringin á Twitter

Leygardagin boðaði familjan hjá Hollywood-sjónleikaranum Chadwick Boseman frá, at hann var deyður, 43 ára gamal.

Les eisini: Chadwick Boseman deyður

Tann twitter-dagføringin, sum bar boðini um, at Boseman var farin, er mest dámda dagføringin í søguni hjá Twitter, boðaði sosiali miðilin frá í gjár.

Í skrivandi stund hava 6,5 mió. fólk dámt dagføringina.

– Mest dámda tweetið (dagføring á Twitter, red.) nakrantíð. Ein viðurkenning, sum ein kongur hevur uppiborið, stóð á almenna Twitter-kontoni hjá fyritøkuni.

Most liked Tweet ever.

A tribute fit for a King. #WakandaForever https://t.co/lpyzmnIVoP

— Twitter (@Twitter) August 29, 2020

Víst verður til, at Chadwick Boseman er mest kendur fyri leiklutin sum kongurin T'Challa í Marvel-filminum "Black Panther".

Tað var í gjár, at familjan hjá Boseman boðaði frá, at hann var farin. Hann andaðist fríggjadagin í heimi sínum í Los Angeles eftir at hava strídst við tarmkrabba í fýra ár.