Metrostøðirnar í Keypmannahavn høvdu ikki rætta slagið av hondspritti

Náttina til hósdagin vórðu allir sprittdunkarnir á metrostøðunum í Keypmannahavn-økinum tømdir.

Orsøkin er, at Metro Service hevur fingið at vita, at talan hevur verið um tað skeiva slagið av spritti. Talan var um spritt, sum varð góðkent at basa bakterium og ikki virusum, og tað er tað sprittið, sum viðskiftafólk hava brúkt á metrostøðunum síðan juli.

Væntandi hava allar metrostøðirnar fingið rætta hondsprittið um vikuskiftið, skrivar DR. Um ein sær ein fullan sprittdunk á metrostøðini, er talan um tað rætta slagið av spritti, verður sagt.