Mette Frederiksen kosin ársins nýggjárstoskur í Danmark

Síðani 1977 hevur Ekstrablaðið givið ein nýggjárstost til tann danskaran, ið hevur "dummað seg" mest - gjørt tað býttasta ella mest býtt/skeivt í júst farna árið.

Sum oftast er tað ein politikkari, ið fær heitið - Uffe Elleman Jensen hevur metið við fimm toskum, og Lars Løkke Rasmussen fekk torskin í 2013 og 2014.  Annars hevur millum annað Prins Joachim fingið "heiðurin". 

Nú hava tríggir persónar fingið torsk, meðan tey hava verið í sessinum sum forsætishárri. Poul Nyrup Rasmussen fekk hann heili tríggjar ferðir (1996, 1998 og 2000) og Helle Thorning-Schmidt fekk hann tvey ár á rað (2011 og 2012) Lesararnir hjá Ekstrablaðnum vóru hesaferð ikki í iva: Við 36.587 av teimum  117.767 atkvøðunum var tað Mette Frederiksen, ið fekk "Ekstra Bladets Nytårstorsk 2020"


Toskurin, sum Mette Frederiksen "hevur tryggjað sær" vigar næstan fimm kilo og hevur eitt virði á 800 krónur (Mynd: eb.dk)

Henni á baki komu Morten Østergaard og Frank Jensen, sum í heyst fóru úr sessunum sum ávíkavist formaður í Radikale Venstre og yvirborgarstjóri í Keypmannahavn, orsakað av støðum har teir kynsliga vóru farnir um mark mótvegis kvinnum - málum  sum komu í ljósmála orsakað av MeToo rørsluni í Danmark.

Jakob Ellemann, sonur Uffe Ellemann-Jensen og leiðari í Venstre, endaði á fjórða plássi. Hetta sigur faðirin seg verða vónbrotnan av í margháttiligari grein á eb.dk, har tað verður greitt frá, hvussu Mette Frederiksen ikki hevur vilja tikið ímóti toskinum enn. Tað framgongur eisini, at støðan við minkunum í Norðurjútlandi í heyst og stýrishátturin undir koronastøðuni, eru høvuðsorsøkin til, at nógvir danir eru ónøgdir við forsætisharran í 2020. Mette Frederiksen, ið tók við í fjør, fekk annars nógv rós fyri sína handfaring av korona fyrr í ár.