Danski forsætisráðharrin vitjar Føroyar í november

Danski forsætisráðharrin, Mette Frederiksen kemur á vitjan í Føroyum komandi mánað. Tað hava hon og Bárður á Steig Nielsen, løgmaður avrátt á fundi seinnapartin, boðar Løgmansskrivstovan frá.

Á fundinum í danska forsætismálaráðnum umrøddu Mette Frederiksen og Bárður á Steig Nielsen samstarvið í ríkisfelagsskapinum, og løgmaður nýtti høvi at greiða frá ætlanunum hjá samgonguni komandi fýra árini.

- Vit eru samd um at arbeiða meira miðvíst fyri at styrkja ríkisfelagsskapin. Tað er  neyðugt at lýsa stóru fyrimunirnar við einum sterkum ríkisfelagsskapi, sigur Bárður á Steig Nielsen, løgmaður.

Les eisini: Mette Frederiksen sær fram til at samstarva við nýggja landsstýrið