Mette Frederiksen farin sjálvboðin í sóttarhald

Mette Frederiksen, donsk forsætisráðkvinna, skal kannast fyri koronavirus, og er sjálvboðin farin í sóttarhald, til eitt úrslit fyriliggur.

Tað upplýsir danska forsætisráðið í fráboðan í dag.

Sambært skrivinum vísir Mette Frederiksen ikki nøkur sjúkutekin, og heldur tí fram við at útinna embæti sítt við fundum á netinum.

Fráboðanin kemur eftir at fleiri ráðharrar og fólkatingslimir seinastu dagarnir hava fingið korona.

Í løtuni eru 13 ráðharrar í donsku stjórnini í sóttarhaldi. Enn er tað bert Nick Hækkerup, løgmálaráðharri, sum er staðfest smittaður.