Sverri Egholm
- Grønland er ikki til sølu. Grønland er ikki danskt. Grønland er grønlendskt. Eg vóni framvegist at hetta er nakað sum ikki skal takast í álvara.
Tað segði Mette Frederiksen, danskur forsætisráðharri, við grønlendskar miðlar í dag. Hon er í hesum døgum á vitjan í Grønlandi, og tíðindini um at amerikanski forsetin Donald Trump ætlar at keypa Grønland hava sjálvsagt vakt ans í landinum.
Men at Donald Trump ætlar ay keypa Grønland skal helst takast í álvara. Tað váttar Larry Kudlow, búskaparligur ráðgevi í Hvítu húsunum fyri Fox News.
- Danmark eigur Grønland. Danmark er ein sameindur, og Grønland er eitt strategiskt stað. Tey hava eisini nógv virðismikið ráðevni, sigur Larry Kudlow.
Donald Trump vitjar í Danmark í september, og har skal hann millum annað hitta grønlendska landsstýrisformannin og Aksel V. Johannesen, løgmann.
Vinarliga broyt tínar kennifíla - og privatlívsstillingar fyri at síggja hetta innihald