Miðil: Øll vorðin frísk eftir møguligt koronuútbrot í Norðurkorea

Í mai var fyrstu ferð, at korona varð staðfest í Norðurkorea sambært almennum upplýsingum, og síðan í vár hava yvir 4,5 milliónir norðurkoreanarar verið fepursjúkir.

Hvussu nógv í landinum hava havt koronu er tó ikki greitt, men tíðindastovur endurgeva norðurkoreanska miðilin KCNA fyri at siga, at allir sjúklingarnir, sum fingu fepur eru frískir aftur.

DR skrivar, at koronukanningar ikki verða gjørdar javnan í Norðurkorea, sum eisini hevur takkað nei til koronukoppsetingar.