Mentan

Miðvika við Bøgesvang og skrúvuguðstænasta

Heitið á fyrilestrinum er “Lívið er at ferðast”

2019-05-14 07:08 Author image
Tíðindaskriv

Mikuvøldið 15. mai verður nógv á skránni í Hoyvíkar kirkju.

Fyrst verður skrúvuguðstænasta. Theodor, prestur, fortelur eina bíbliusøgu.

Síðani verður Miðvika við Henning Bøgesvang, presti. Heitið á fyrilestrinum er: “Lívið er at ferðast”.

Bæði áðrenn hann kom til Føroya í 1976 og aftaná tíðina í Klaksvík, hevur Bøgesvang verið sjómansprestur.

 -Eg hitti nógvar føroyingar tá eg var sjómansprestur í Rotterdam, og teir spurdu um eg ikki hevði hug at koma til Føroya at verða prestur og soleiðis kom eg til Føroya, sigur Bøgesvang, sum var prestur í Klaksvík í tilsamans úti við 20 ár.

Eftir at hann gavst sum prestur í Klaksvík, var hann sjómansprestur í Göteborg í Svøríki í 10 ár. Og saman við konuni Solveig hevur hann í styttri tíðarskeið eisini virkað m.a. í sjómanskirkjum í Rotterdam, New York og Singapore. Beint nú er Henning Bøgesvang prestur í Hoyvík og í Kaldbak.

Eftir hugleiðingina verður ein drekkamunnur í kirkjukjallaranum, har fólk eisini hava høvi at spyrja og viðmerkja.

- Hoyvíkar kirkja

placeholder
placeholder