Mike Pence vil vera forseti

Fyrrverandi amerikanski varaforsetin, Mike Pence ætlar at bjóða seg fram á forsetavalinum í 2024.

Sambært tíðindastovuni AP hevur hann í dag latið inn øll neyðugu skjølini fyri at kunna stilla upp.

Mike Pence, ið verður 64 ár mikudagin, var amerikanskur varaforseti undir Donald Trump í árunum 2017 - 2021. Teir báðir fingu bert eitt valskeið í Hvítu Húsunum.

Trump stillar eisini uppaftur til forsetavalið, og er hann í løtuni favorittur at gerast valevni hjá republikanarunum. Á øðrum plássi er Ron DeSantis, guvernørur í Florida.