Milliardingur bjóðar Trump av

Milliardingurin og fyrrverandi borgarstjórin í New York, Michael Bloomberg, hevur boðað frá, at hann stillar upp sum forsetavalevni fyri Demokratarnar.

“Eg stilli upp til forseta fyri at vinna á Trump og endurreisa Amerika” skrivar 77 ára gamli Bloomberg á twitter.

Tað er neyvan óvænta at Bloomberg bjóðar seg fram. Milliardingurin hevur bílagt sjónvarpslýsingar fyri 33 milliónir dollara uppá bert ein viku, lýsingarnar vera vístar í sjónvarpsrásum um alt USA.

Bloomberg var borgarstjóri New York frá 2002 til 2013. Árini frá 2001 til 2007 hoyrdi hann til Republikanarnar, meðan hann frá 2007 til 2018 var sjálvstøðugur.