Minningarhald teirra sjólátnu á Vinnuháskúlanum

Sum siðvenja er, skipar Føroyska sjómansmissiónin fyri Minningarhaldið teirra sjólátnu alhalgunardag, í dag 1. november.

Minningarhaldið verður kl. 14. á Vinnuháskúlanum í Nóatúni 2, í Havn. 

Høgni Hoydal, landstýrismaður heldur røðu og Ann Hermansdóttir, prestur, hevur andakt.

Aftaná verður farið niðan til minnisvarðan í viðarlundini, har kransur verður lagdur.

Tíbetur er eingin deyður í sínum starvi á sjónum farna árið.