Minst 20 deyð í jarðskjálvta í Kolumbia

Minst 20 fólk hava latið lív í einum jarðskjálvta, sum í morgun lokala tíð rakti suðuramerikanska landið, Kolumbia.

Skaðar eru hendir fleiri staðni í landinum, og skjálvtarnir merktust eisini í Venesuela og í Ekvador.

Í Cali í Valle del Cauca landslutinum eru minst 20 bygningar við fólkum í rapaðir. Býurin hevur biðið um hjálp úr Bogotá og Medellín at bjarga fólkunum úr rapaðu bygningum, upplýsir borgarstjórin í býnum.

Enn er ógreitt hvussu umfatandi skaðarnir. Jarðfrøðiligi stovnurin í Kolumbia metti skjálvtan vera á 6,6 á richterskalanum, meðan amerikanski stovnurin metti styrkina at vera 7,4, skrivar Reuters.