Minst 36 fólk deyð í skriðulopi

Leitað verður eftir fólki í runu og byggileivdum í býnum Las Tejerias í Venesuela eftir at eitt ógvusligt skriðulop leygardagin.

Higartil eru 36 fólk staðfest deyð, og 56 eru saknað eftir skriðulopið, upplýsir Remigio Ceballos, innanríkisráðharri í landinum, sambært Ritzau.

Væntað verður, at endaligu tølini fyri deyð verða munandi hægri.

Las Tejerias liggur í fjallalendi umleið 50 kilometrar frá høvuðsstaðnum, Caracas.

Tað eru bert fáir dagar síðani, at eitt annað skriðulop hendi í Venesuela. Tá mistu 20 fólk lívið.

Fleiri áir eru seinastu tíðina floymdar yvir áarbakkarnar orsaka av nógvum avfalli, sum er orsøkin til skriðulopini. 

(Mynd: EPA)