Minst tvey fólk hava latið lív eftir ógvusliga spreinging mitt í Madrid

Seinnpartin hevur ein spreinging verið í spanska høvuðsstaðnum.

Spanskir miðlar skriva, at hon var ógvuslig, og at fleiri hæddir av bygninginum eru rapaðir. Bygningurin er mitt í Madrid og liggur við eitt sjúkrahús, eina kirkju og ein skúla. Íbúgvar í økinum vórðu fluttir á eitt gistingarhús.

Nøkur eru tó saknaði, og fyri løtu síðani váttaði borgarstjórin í Madrid fyri sponskum miðlum, at í minsta lagi tvey fólk hava latið lív.

José Luis Martínez-Almeida Navasqüé segði eisini, at talan helst var um ein gassleka. Harvið tykist tað ikki at vera nakar yvirgangur men heldur eitt óhapp.