Minusóparar á Havnini

Trý skip úr NATO-minusóparabólkinum SNMCMG1 (Standing NATO Maritime Countermeasure Group One) komu í gjár til Føroya, og í morgun síggjast tey í Nólsoyarfirði á veg til Havnar.

Sambært Uttanríkis- og vinnumálaráðnum skulu tey gera smærri leitivenjingar og royna útgerð.

Um vikuskiftið liggja tey trý skipini við bryggju í Havn.

Talan er um eitt týskt, eitt franskt og eitt estiskt skip.