Alda Nielsdóttir
Í gjárkvøldið var finalan í ársins Miss Universe Danmark kapping hildin í Cirkusbygningen í Keypmannahavn.
25 kvinnur kappaðust um heiðurin at gerast Miss Universe Denmark og harvið sleppa at umboða Danmark í altjóða vakurleikakappingini Miss Universe seinni í ár, har fleiri enn 90 aðrar tjóðir luttaka.
Føroyski luttakarin, 20 ára gamla Monika Midjord Nolsøe úr Vági, endaði á einum sjeynda plássi, meðan 22 ára gamla Katja Stokholm úr Odense fór avstað við krúnuni.
Hetta var ikki fyrsta vakurleikakappingin hjá Moniku Midjord Nolsøe. Í 2017 luttók hon í Miss Føroyar til tiltakið Burn Showdown.
Í dagføring á Instagram skrivar Monika, at hon er sera glað um stuðulin, hon hevur fingið bæði úr Føroyum og aðrastaðni frá, og at hetta ikki verður hennara seinasta vakurleikakapping.
- Hetta fekk meg ikki at missa mótið. Eg ætli mær at fyrireika meg til mína næstu vakurleikakapping; nær tað verður, fer tíðin at vísa, men eg komi aftur sterkari og betri fyrireikað.
Úrslitið frá ársins Miss Universe Denmark kapping sæst her.
Vinarliga broyt tínar kennifíla - og privatlívsstillingar fyri at síggja hetta innihald