Morgunkaffi verður fyri fyrstu ferð í morgin

Hoyvíkar kirkja fer framyvir at bjóða morgunkaffi í kirkjukjallaranum hvønn mikumorgun frá klokkan 10.

Hesum boðar Hoyvíkar kirkja frá í skrivi í dag.

Talan er um eitt heilt nýtt tiltak, og tað skal vera við til at lata dyrnar upp og fáa fólk at savnast.

- Aðalmálið við tiltakinum er at lata kirkjudyrnar upp og geva fólki møguleika fyri at hittast til hugnaliga samveru í kirkjuni hvørja viku.

Byrjað verður við morgunkaffi í morgin, mikudagin 28. februar klokkan 10.