Mótmæla órøkt av Suðuroyarleiðini

Suðuroyingar hava í kvøld tikið stig til eina undirskriftainnsavning, sum mótmælir órøkt av Suðuroyarleiðini. Hetta er í sambandi við at ferjan Prince avloysir á leiðini, nú Smyril er dokk í Danmark. Ferjan tekur væl færri ferðafólk enn Smyril, og fleiri enn hundrað fólk stóðu tí eftir á Krambatanga í gjárkvøldið, tá Prince loysti frá landið.

- Okur hava longstu fjarstøðu til meginøkið í landinum, og tí skal tænastan og umstøðurnar verða nøktandi og støðugar, stendur á Wechange.com, har undirskriftainnsavningin gongur fyri seg.

Tey mótmæla millum annað óstøðuga sambandið og stóru óvissuna á suðuroyðarleiðini. Tey krevja eitt nøktandi og samtíðarhóskandi kunningarstøði frá Strandfaraskipum Landsins, og mótmæla at ósannindi verða nýtt sum undanførslur í miðlunum, og krevja at fáa týðandi kunning áðrenn, undir og eftir fráferð.

Eisini krevja tey eitt fast og nøktandi avloysaraskip til leiðina, av tí at Strandferðslan er bundin av at røkja leiðina og at brek, umvælingar og dokk er væntandi, stendur at lesa.

Í løtuni hava fleiri enn 50 fólk skrivað undir.

Til ber at skriva undir her