Tíðindaskriv
Á Musikkstevnuni hittast horn- og harmoniorkestur úr øllum Føroyum at spæla eina konsert hvør sær og saman. Umframt tey føroysku orkestrini, verður eitt orkestur úr Danmark eisini við í ár.
Konsertin verður hildin í nýggju hølinum í Fuglafjarðar skúla. Byrjað verður kl. 14, og kostnaðurin fyri konsertina er 100 krónur. Tó er tað ókeypis fyri børn og ung yngri enn 17 ár. Tey luttakandi orkestrini eru Fuglafjarðar Hornorkestur, Skanderborg Brass Band, Havnar Hornorkestur, Klaksvíkar Hornorkestur, GHM, Sørvágs Tónleikarfelag/Vestmanna Hornorkestur, Kvinnuorkestrið, Nes Sóknar Musikkfelag, Tvøroyrar Hornorkestur, Ælabogin og Eiðis Ljómfelag
Fyrsta Musikkstevnan varð hildin í Vestmanna í 1966, og síðani tá hava orkestrini skiftst um at verið vertir, og verður hendan Musikkstevnan tann 58. í røðini.
Vinarliga broyt tínar kennifíla - og privatlívsstillingar fyri at síggja hetta innihald