Muslimar í Sri Lanka søkja sær skjól í moskum

Hundraðtals muslimar í Sri Lanka hava søkt sær skjól í moskum og á eini løgreglustøð síðani sunnudagin, tá yvirgangur var í landinum. Muslimarnir søkja sær skjól eftir at hava verið út fyri hóttanum og álopum.

Forsætisráðharrin í Sri Lanka Ranil Wickremesinghe váttar fyri AP, at muslimski ahmadi-minnilutin hevur verið út fyri ágangi síðani víðgongdir muslimar drupu 359 fólk í sjálvmorðsbumbuálopum sunnudagin.