Myndir: Donsk verjuskip bjargingarvenjing í Føroyum

Arktisk Kommando í Føroyum og MRCC Tórshavn høvdu í gjár eina stóra leitingar- og bjargingarvenjing við luttøku av føroyskum og donskum eindum.

Endamálið við venjingini var at halda fast við, og menna góða samstarvið millum føroyskar myndugleikar og eindir hjá verjuni, skrivar herflotadeildin hjá donsku verjuni.

Venjingin fevndi um leiting, bjarging og sleip.

Umframt verjuskipið Hvidbjørnen og fregattina Iver Huitfeldt, vóru bjargingarbáturin Sverri og tyrla frá Atlantsflogi við.

Danska herflotadeildin hevur lagt myndir út frá venjingini. Sí her: