Klædnaatstøðingar seymaðu klæðir til Cabaret

Seinastu vikurnar hava klædnaatstøðingar seymað klæðir til sangleikin “Cabaret”, sum í løtuni verður framførdur á Glasi.

Nógvir tímar eru farnir við arbeiði á seymistovuni, har stílurin og íblásturin hevur verið frá 1920, sum eisini er tann tíðin, har "Cabaret" gongur fyri seg.

Næmingarnir, ið m.a. hava seymað korset, kan-kan kjólar, flottar ballkjólar og pløgg við frinsum og glitri, siga sjálvir, at vikurnar hava verið sera avbjóðandi men eisini stuttligar, læruríkar og gevandi.

Til ber at fylgja arbeiðinum hjá klædnaatstøðingunum á teirra felags Instagram vanga, upcoming_faroese_designers. Har leggja tey m.a. myndir út av verkætlanum, sangleikum og øðrum.