Myndir: Kongshjúnini á vitjan í Grønlandi

Kongsvitjanin í Grønlandi byrjaði leygardagin. Hetta er fyrstu ferð at Fríðrikur kongur og Mary drotning vitja landið sum kongshjún.

Við á ferðini eru yngstu børnini Vincent prinsur og Josephine prinsessa.

Vitjanin er í eina viku og byrjar í Norðurgrønlandi. Síðan verður siglt suðureftir og bygdir og býir verða vitjaðir á vegnum. Endað verður í Qassiarsuk í Suðurgrønlandi 6. juli.

Í fleiri enn 100 ár hevur kongafamiljan vitjað Grønland. Christian 10. var fyrsti danski kongur sum vitjaði landið í 1921.

Ætlanin var eisini at vitja í Føroyum í summar, men tað bleiv útsett til juni mánað næsta ár. Hetta var orsakað av verkfallinum hjá arbeiðarafeløgunum.