Myndir: Olja á vegnum í Skipanesi og undir Gøtueiði

Rættiliga nógv olja - helst motorolja - er komin á vegin gjøgnum Skipanes og undir Gøtueiði og niðan móti Gøtueiði eisini.

Løgreglan er á staðnum og regulerar ferðsluna, tí vegabreytin er rættiliga hál. Tí mugu bilførarar vísa størsta varðsemi.

Les eisini: Landsverk ávarar um olju á vegnum

Landsverk hevur sent ein vaskibil til staðið, og eisini eru sløkkiliðsbilar av Skálafjørðinum komnir at hjálpa til við arbeiðinum.

Talan er um eitt vegastrekki frá Tjørnunesi og niðan á Skipaneskrossin (rundkoyringina) og víðari niðan móti Gøtueiði. Talan er um ein lastbil, ið fekk trupulleikar við motorinum, og motorolja lak tí út á vegin. Talan er um rættiliga stóra mongd av olju, verður upplýst.

Árni Jacobsen, økisleiðari hjá Landsverki, upplýsti fyri útvarpinum á døgurða, at tað kann taka nakrar tímar, áðrenn vegabreytin er rein aftur, og ferðslan kann tí roknast við at verða nakað tarnað í eina tíð afturat.

Jens Kr. Vang tók nakrar myndir fyrrapartin