Myndir: Stórur og bjartur máni

Tá tað myrknaði í kvøld sást mánin sera bjart. Veðrið hevur verið gott í dag, og tað helt fram í kvøld.

Supermáni tekur seg upp, tá tað er fullmáni samstundis sum mánin er tættast okkum í ringrás um Jørðina.

Og tí at mánin er so nær Jørðini, lýsti hann bjartari enn vanligt.

Hetta er fjórðu ferð í ár, at supermáni hevur verið at sæð - um tað er klárt í veðrinum, væl at merkja. Nú gongur lang tíð til tað hendir aftur, tí ikki fyrr enn 27. apríl næsta ár verður supermáni aftur.

Elna Johannesen tók hesar myndirnar í Rituvík í kvøld.