2022-01-25 19:31
Framvegis er eingin innlagdur av koronu. Tvey fólk eru innløgd í Sjúkrahúsverkinum av aðrari orsøk, men við koronu.
Síðsta mánadag settu vit met við 729 nýggjum koronutilburðum. Tað kemur javnan fyri at talið er hægri mánadag enn hinar dagarnar í vikuni, tí fólk helst ikki lata seg kanna í líka stóran mun um vikuskiftið.
Gjárdagurin var einki undantak í so máta, tí heili 913 tilburðir vórðu staðfestir. 3912 kanningar vóðru gjørdar. 728 fólk eru staðfest frísk síðani seinastu dagføring í gjár.
Samlaða talið á positivum í løtuni er 4466 fólk. Tað vil siga, at góð átta prosent av fólkatalinum hevur koronu.
Vinarliga broyt tínar kennifíla - og privatlívsstillingar fyri at síggja hetta innihald