2021-03-26 11:04
Agnar Prestá
Agnar Prestá
Eftir ein steðg varð koppsetingin tikin uppaftur í gjár, tá tilsamans 232 fólk vórðu koppsett. 198 fólk fingu fyrra prikið og 34 fingu tað seinna.
Talan var fyri tað mesta um fólk 85 ár og eldri, og ein nýggj bíleggingarskipanin er sett í verk á corona.fo fyri fólk í júst tí aldrinum. Heimasíðan skrivar fyrrapartin, at fleiri enn 200 fólk í aldrinum 85 ár og eldri hava bókað tíð at fáa koppseting gjøgnum skipanina.
Sjúkrahúsverkið mælir fólki til at fáa avvarðandi at hjálpa við bíleggingini, um tørvur er á tí. Til ber eisini at brúka telefonnummar og teldupost hjá avvarðandi, skrivar corona.
Tilsamans eru nú 9.660 koppsetingar gjørdar í Føroyum. 5.586 hava fingið fyrru koppsetingina. 4.074 fólk eru liðugt koppsett.
Vinarliga broyt tínar kennifíla - og privatlívsstillingar fyri at síggja hetta innihald