Nakrar fráboðanir um stormskaðar

Nógvur vindur hevur veriðí gjárkvøldið og í nátt, og í hesum sambandi hevur løgreglan eisini fingið nakrar fráboðanir um stormskaðar.

Fráboðanirnar koma allar úr høvuðsstaðarøkinum.

Ein trampolin og nakað av leysum byggitilfari fór í vindinum, og tá ein skuldi fara úr einum parkeraðum bili, misti viðkomandi hurðina í vindinum, so hon rakti ein annan bil.

Eisini er líkt til, at veðrið hevur ávirkað streymveitingina, tí boðað varð eisini frá, at onkrar elektroniskar hurðar vóru farnar upp, og tað er nakað, sum kann henda, tá ólag hevur verið á streymveitingini, sigur vaktleiðarin á løgreglustøðini í Havn.