Nakrir vindskaðar í nátt

Løgreglan fekk nakrar fráboðanir um skaðar í sambandi við nógva vindin, sum var í gjárkvøldið og í nátt.

Tað var serliga í Havn og í Sandoy, at fleiri fráboðanir um at takplátur høvdu rivið seg leysar komu.

Eisini í Klaksvík var ein fráboðan um ein húsaklædning, ið var loysnaður.

Í øllum førum vóru boðini send víðari til tilbúgvingarnar á staðnum, sum tóku sær av málinum.